由 "Harlan's" 望出去嘅香港美景🌇真係經常睇都睇唔厭。呢日中午我哋一齊上嚟輕鬆下 ~
Harlan's既樓底高，加上長長大落地玻璃窗外嘅開揚璀璨維港景色😊，感覺寫意又浪漫。無論係好友聚餐又或者拍拖約會都適合既好地方。
📋午市套餐 $298有幾款選擇，可自由配搭 ; 套餐包括有前菜、主菜、甜品及咖啡或茶。我哋各點一份。
首先送上係麵包🥖熱騰騰的，有喜歡嘅穀物包同全麥麵包，散發淡淡麵粉香氣，質感鬆軟，然後塗抹一層牛油，溶溶口感，與麵包很配😋
🥒前菜 [法式羊奶菜撻] ; 每片瓜切到薄薄一片捲起來，面層放有車厘茄同菜苗，底下鋪左用羊奶做成嘅醬料，食落少少凍，味道清新，蔬菜鮮甜爽口，口感輕盈嘅羊奶，好creamy，全部拌勻一齊食，將味道層次大大提升。
🦐前菜 [虎蝦巴班牙蛋餅 , 海鮮香草醬及蕃茄] ; 虎蝦都幾大隻，淡淡甘甜，肉質細嫩，巴班牙蛋餅混合海鮮香草醬及鮮甜蕃茄，鹹香四溢，鮮香美味。
🥪主菜 [和牛舌芝士脆三文治 , 海鮮香草醬] ; 酥皮焗至金黃，外脆內軟，牛油味非常濃厚，裡面食材一層疊一層，餡料和牛舌好粉嫩香濃，肉質軟嫩，芝士有拉絲效果，濃厚而不膩，和牛肉汁豐富，好juicy，點上自家製嘅海鮮香草醬更惹味，蔬菜翠綠鮮爽。依個主菜選用極優質嘅牛，鮮味十足，創意料理。
🍝主菜 [帶子及蟶子意粉 , 紫蘇大蜆忌廉汁] (另加 $38) ; 擺盤已經好精美，帶子同蟶子非常新鮮，食起嚟爽口，好鮮甜，扁意大利粉散發淡淡麵粉香，煙韌彈牙，爽滑度十足，意粉掛滿紫蘇同大蜆味嘅忌廉汁，香濃美味，配合翠綠鮮爽嘅菜苗，鮮嫩可口。
🍮甜品 [香蕉及花生忌廉焦糖燉蛋] ; 焗至金黃焦香嘅燉蛋，食落似曲奇脆餅，入面係香蕉，口感溶溶，食落散發香甜味，配埋粒粒花生及幼滑忌廉，甜蜜滿足。
🌰甜品 [栗子及焦糖千層酥] ; 賣相精緻，薄薄千層酥入口即化，口感軟軟的，栗子味特別濃香，焦糖又唔會太膩，甜度適中，配搭焗栗子粒又甜又有精美。
餐飲點咗熱咖啡☕口感幼滑，咖啡香味濃郁，真係唔錯 ; 以及檸檬茶🍹茶底唔會過濃，飲到清香嘅茶同檸檬味，清爽解膩。
Harlan's Bar and Restaurant
📍地址 : 尖沙咀彌敦道100號The ONE 19樓
Facebook page : @harlans.hongkong
Instagram : @harlans_the_one
謝謝觀看以上文章，期待下次繼續與大家分享 !
❤ 歡迎邀約合作試用 ♡ 出席活動 ❤
Email : creamcake2012@hotmail.com.hk
Facebook : https://www.facebook.com/EmilyHappySharing/
Instagram : https://www.instagram.com/emilychow250/
沒有留言:
發佈留言
注意：只有此網誌的成員可以留言。